ЕЎРАПЕЙСКІ СЕГМЕНТ СУЧАСНАЙ ГЕАПАЛІТЫКІ РЭСПУБЛІКІ БЕЛАРУСЬ

Abstract

Даследуецца еўрапейскі напрамак геапалітыкі Рэспублікі Беларусь. Зыходны пункт аналізу: з улікам уласнай геапалітычнай вагі краіна ў сучасных абставінах можа іграць на міжнароднай арэне толькі ў камандзе. Яе аптымальны геапалітычны выбар дзеля рэалізацыі знешніх мэтаў на еўрапейскай прасторы – мець двух і больш моцных партнѐраў, на якіх можна абаперціся, каб гарантаваць магчымасці знешнепалітычнага манеўру, а стратэгіяй дасягнення поспеху павінны выступаць палітыка «разумнай сілы», неканфрантацыйныя адносіны, дыялог і кампрамісы. Захаваць геапалітычную раўнавагу краіны ў еўрапейскіх працэсах дапамогуць унутраныя сродкі – інавацыйныя здольнасці краіны і нацыянальна-палітычная кансалідацыя грамадства.