КАЛЯНДАРНАЯ АБРАДНАСЦЬ У ШТОДЗЁННЫМ ЖЫЦЦІ СЯЛЯН БЕРАСЦЕЙШЧЫНЫ Ў 30–50-х гг. ХХ ст.: ТРАДЫЦЫІ СВЯТКАВАННЯ ШЧОДРАГА ВЕЧАРА (НА ПРЫКЛАДЗЕ ВЁСАК КОБРЫНСКАГА РАЁНА)

Abstract

Артыкул прысвечаны рэканструкцыі ролі свята каляднага цыклу – Шчодрага вечара – у штодзённым жыцці берасцейскага сяла ў 1930–1950-я гг. Разглядаецца гістарыяграфія праблемы, паказваецца неад’емнасць каляндарнай абраднасці ад гістарычнага і культурнага развіцця вёскі. Апісваюцца сабраныя ў ходзе даследавання звычаі, абрады і традыцыі святкавання Шчадраца, характэрныя для азначанага перыяду. Прыводзяцца прыклады зафіксаваных свавольстваў моладзі, тыпы дзявоцкіх варожбаў, варыянты шчадровак падчас выканання калядных абходаў. Вызначаецца сэнс гэтага свята для розных пакаленняў у кантэксце штодзённай гісторыі, адзначаюцца фактары, якія садзейнічалі захаванню традыцый у гэты перыяд. Праца грунтуецца на матэрыялах палявых даследаванняў 2017– 2020-х гг. на Кобрыншчыне.