Паміж паланізацыяй і асіміляцыяй: этнакультурная сітуацыя ў Заходняй Беларусі ў другой палове 1930-х гадоў

Abstract

На працягу многіх дзесяцігоддзяў у айчынных даследаваннях па заходнебе- ларускай тэматыцы прыярытэт аддаваўся пытанням грамадска-палітычнага і сацыяльна-эканамічнага жыцця Заходняй Беларусі. Але грунтоўнае вы- вучэнне пытанняў нацыянальна-культурнага жыцця беларусаў і іншых этнасаў Заходняй Беларусі было немагчыма з-за існуючай метадалогіі і не- даступнасці крыніц. Толькі на сучасным этапе развіцця гістарычнай навукі ў Рэспубліцы Беларусь зроблены істотныя крокі ў гэтым напрамку, што адлю- стравалася ў падручніках і вучэбных выданнях, навуковай і энцыклапедыч- най літаратуры. Хоць у іх і адзначаны аспекты, звязаныя са станам заход- небеларускай культуры, аднак многія з іх патрабуюць далейшага развіцця і больш грунтоўнага вывучэння з выкарыстаннем крыніц. Сярод такіх кан- цэптуальных паводле свайго зместу – праблемы паланізацыі і асіміляцыі.