Уласныя асабовыя імёны ў кантэксце твораў Генрыха Далідовіча
Abstract
У артыкуле разглядаюцца ўжытыя ў творах Генрыха Далідовіча ўласныя асабовыя імёны, якія з’яўляюцца неад’емным элементам ідэйна-тэматычнага зместу мастацкага тэксту і важным сродкам намінацыі, характарыстыкі і ацэнкі персанажаў і іх стасункаў. Акрэсліваецца дыяпазон сэнсавага і фармальнага вар’іравання онімаў, шматлікія формы якіх з’яўляюцца сродкам стварэння нацыянальнага і рэгіянальнага каларыту ў творах, інструментам перадачы шырокага спектра эмоцый, ацэнак, пачуццяў літаратурных герояў. Асаблівая ўвага надаецца асэнсаванню ролі кантэксту ў раскрыцці сэнсавых і эмацыйна-экспрэсіўных магчымасцяў паэтонімаў. Вызначаюцца функцыі асабовых імёнаў персанажаў у творах Г. Далідовіча, у якіх узнаўляюцца старонкі айчыннай гісторыі і ствараюцца карціны жыцця нашых сучаснікаў. Разгляд антрапонімаў ажыццяўляецца ў рэчышчы лінгвапрагматычнага даследавання маўлення. Асэнсоўваецца прагматычная роля ўласных асабовых імёнаў, якія з’яўляюцца сведчаннем нацыянальнасці, узросту, веравызнання, вагі асобы ў грамадстве. Вывучаюцца прагматычныя рэгулятыўныя магчымасці оніма як сацыяльна зададзенага і нацыянальна спецыфічнага сродку рэгулявання міжасабовых адносінаў.